بقلم : أميمه المعداوى
من ديوان/ قيد الفراق
..واحد كداب
نسيتك بعد مالقيتك خيال كداب
ورحت جريت قصاد عينى فتحت الباب
لواحده شكلها توبك
وأنت كبيروا ويدوبك
شجر لبلاب
لتعرف رب ولا مله
وغورتك بعيد بره
رميتك أيوه من عينى
ياوصمة خزى ف سنينى
..ياعينى عليك يامدارى
بتوب أصفر وجنزارى
..يادميه رميتها من أيدى
من الشباك
تعالى وشوفنى فى غيابك
كفانا عتاب،
أميره بجد على عرشى
وشفتك فى الحرس واقف
من الحجاب،
..ياحاوى لم تعابينك
ودخلهم فى أى جراب
ياسقطه، وقعت من عينى
كفانا عتاب،
مفيش رجعه لجناب
شخصك ولا هااقبل
لأعذارك، قفلت الباب
عشان مانت اللى عاش
خاين واحد كداب.
