بقلم : أميمه المعداوى
..من ديوان/روح الحياه
..كان وكنا
..كان زمان..
كان وكنا…..ايوه كنا صغيرين
نحكى معسول السنين
والحنين بيشد روحنا
والبراح لملم جراحنا والأنين
والليالى الحلوه لسه بتراودنا
والامل له ألف عين
عين تدفينا الليالى
عين تورينا السعاده
اللى بندور عليها من
سنين
فاكر انسى جرينا
ويا الفراش
واللا لون الورد الاصفر
كان بيجذبنا وراه
نستخبى،
والأيدين متشبكه
علشان نعدى.. روعة
الميه اللى لونها، لونها
فضى ف القنايه،
وخضره فارده لون
جمالها فى الأراضى،
وحبنا الأخضر صغير
كان خضاره لون
خضار الأرض واكتر
والطيور كانت تغنى
م السعاده
والسما واكتر زياده،
شمسها الطله علينا
من شعاعها وطيب
حنانها ترمى بالضله
علينا، وابتدينا نقوم
ونرجع ..لجل متسلم
عنينا بالكلام،عهد
مكتوب بالمحبه بالوئام
