بقلم : أميمه المعداوى
من ديوان/ انفاس الحياه
وشيبتينى لحسابك
..يادنيا قالولى مغروره
وشفتك زيى مقهوره
..نزلتك طفله مكسوره
بدمعه غريبه مجروره
..كبرت وفيكى باتحمل
وكل شويه أتجمل
..قابلت معاكى بنى ادمين
وشوش ياما قلوب خاينين
..وكل شويه يهينوكى
ويرموكى، سباب ملاعين
..وعابوكى ..وظلموكى
وانا زيك سقونى كاسين
مرار طافح بلون غامق
وكاس تانى ملوه حزنين
..وكل مااقول هنتصاحب
اتوه فيكى سنين وسنين
..وأقول بكره يكون احلى
وادوق الفرح فيكى يومين
..ألاقى ايامك الصعبه
بتدلع على راحتى
..وشيبنى سواد ليلك
وبتعزينى على بختى!!
..مابين ءاهه وبين لأه
وعمرك ليا ماصالحتى
..متيجى انا وانتى نتفاهم
نسيب ناسك بتتعارك
شويه يعيشوا ف جنونك،
وحبه يتوهوا فى مدارك
..عشان قلبى تعب منهم
عشان ماعرفت اسرارك
..كتير أبعد وأنساكى ،
تلفى عليا بشباكك
خلاص ظهرى انحنى منى وشيبتينى لحسابك
