بقلم: أميمه المعداوى
من ديوان/انتفاضة شعب
الموت قهرنا
..ءاه م الوجيعه كلنا ،
فى محطه القطر أتفاجئنا واتفجعنا واتقتلنا
..ءاه م اللى ماتوا الأبريا ،
نار شعللت ، أكلت غلابه مننا غربا وجيرانا
..قمنا اتفزعنا لما شيبنا
من الخبر اللى انتشر ، قطع قلوبنا واتحصرنا
..وصل الخبر كان صوت
مدوى ف قلبنا ،وطلعنا نصرخ كلنا ،يا ليل نهارنا
.. حادثة تصادم كل يوم ،
أو قطر واقع أيوه دوم، وشهاده مكتوبه بمصيرنا
..أكتب وعبر ياقلم
زاد الألم م إللى حصل، دا الحزن عشش جوه دارنا
..يارب صبر قلبنا ،
واحمى بلادنا وعرضنا ،أشفى جراحنا واطفى نارنا
..على دمعة الأم اللى عارفه
أبنها أو جوزها مش راجع لها ، والموت قهرنا.
