بقلمى أميمه المعداوى
من ديوان/قيد الفراق
إئتلاف
..لو هنتعاتب هأقولك
أنى حبيت فيك حنانك
وابتسامك ،
..بس أسكت أوعى
تجرحنى بكلامك يوم متيجى تلوم عليا،
تقولى أنتى بقلب جامد،
قلب جاحد،
وانت جاى تعيب عليا،
يوم ماقلبك قال بحبك،
يوم مخدنى هواك لعندك،
واعترفت وقلت لك
مليون أحبك….
..باينه فى سؤالى عليك،
كل حبه وشوقى ليك،
كنت تتكى عليا، كنت
تجرح قلبى فيا،
واللا قلمى،صبحى ومسايا
يقولك أنك انت نور عنيا، وانت دايما فى اختلاف
إنى حبيتك بجد، وانه
لازم أعتراف
..كنت بتشك ف غرامى،
جيت وضيعت التزامى،
ان اكون لك بس وحدك..
أصل لو حبك ملكنى ،
كنت حسيت الائتلاف،
كنت موت الخلاف،
.. بس أوعى ياحبيبى
تلومنى وحدى،
لوم فى نفسك ويا فكرك ويا قلبك،
أنه ملهوش فى الغرام.
