بسب الاستخدام السىء للمضادات الحيوية عمال على بطال بقى فى مقاومه لانواع كتير من المضادات الحيوية .
كتبت: دكتورة هبة عناني
بسب الاستخدام السىء للمضادات الحيوية عمال على بطال بقى فى مقاومه لانواع كتير من المضادات الحيوية .
البرد مش علاجه مضاد حيوى
الكحة مش علاجها مضاد حيوى ولا بينشف البلغم
حساسية الصدر مش علاجها مضاد حيوى
النزلات المعوية مش علاجها مضاد حيوى وحاجات كتير جدا مافيش داعى لاستخدام المضاد الحيوى
جهاز مناعة الطفل بيكون في تطور مستمر وعلشان كده بيكون بحاجة للتعرض الي البكتريا والفيروسات لتطوير قدرته على مكافحة الأمراض , علشان جهاز المناعة بيخزن الأجسام المضادة للبكتيريا و الفيروسات لاستخدامها عند الحاجة, و لما نستخدم المضاد الحيوي بداعى وبدون فإحنا كده بنقول لجهاز المناعة احنا مستغنيين عن خدماتك فبالتالى مابيشتغلش بشكل جيد و بالتالي مابيطورش , و ممكم يعاني الطفل قدام من ضعف جهاز المناعة وبيبقى مابيستجبش بسهولة لاى علاج لان البكتريا والفيروسات طورت وحورت من شكلها علشان تقدر تقاوم المضادات اللى بتدخل الجسم باستمرار.
كمان فى بكتريا نافعة فى الجسم بتدمر بكثرة استخدام المضاد الحيوى
اولادكم امانة عندكوا حافظوا عليها
د هبه عنانى
أخصائية طب الاطفال وحديثى الولادة واستشارات الرضاعة الطبيعية.
