.نشرت أميمه المعداوى
الشاعر السيد على خليل
أنت ميت
أنت ميت..
مهما كان الاتجاه..
انت ميت ..
حتى لو صدقت..
إن انت على قيد الحياة..
لو ركبت القطر ميت..
لو تشجع كورة..ميت..
لو غسلت الكلية ميت..
لو قعدت ف بيتكو.. ميت..
لو تفكر.. إن صوتك.. يعلا حبة..
لو تعيش في الناس..
بشعبية ومحبة..
لو هتلعب أي لعبة..
لو هتدخل في السياسة..
دا انتحار..
لو هيبقى الرأي تاني..
لو مخالف..
تبقى جاني..
وتستحق عليه..
قضية.. وضرب نار..
يبقى .. تختار؟! ..
لأ.. براحتك..
بس خلي عنيك في راسك..
والأمان..
إياك تطاوع يوم .. حماسك .
والأمان..
إنك ما تمشيش جنب حيطة
الأمان ..
إنك تعيش جوة الجدار..
الأمان.. إنك توافق..
إوع تسمع..
للي هيسميك منافق..
والّا تشغل بال سعادتك..
باللي ناهب..
واللي سارق..
واوع تظهر.. يوم..
في سكة.. ناس كبار..!!!
