شعراء
بقلم: اميمه المعداوى
من ديوان / شئ غريب
مالوش لازمه
..ماغبتش عنى ولا لحظه
على بالى وف الفكره
..وليلى نهار أفكر فيك
و نتقابل سوا بكره
..وزى الطير سوا نسرح
وانا جنبك بااكون راضيه
..واشوفك جنبى متهنى
وانا دايما عليك باقيه
..وألقى عنيه باصه عليك
من الفرحه من اللهفه
..وشفت بعينى ناس حواليك
وإدارى عليك وانا خايفه
..ولا همك أكلم فيك
تدارى عنيك وانا شايفه
..تمد أيديك عايزنى ارضيك
أقول أنسى أنا أسفه
..والوم الشوق تحن له ليه
دا ليه عشه مالوش لازمه
