بقلم / أميمه المعداوى
من ديوان/ انتفاضة شعب
بدون أزمه
…بدون أزمه يا مركب فى الزمان ماشيه
وانا وانت سوا ماشين
..بدون أزمه يا أم الدنيا ياناديه
وكل الناس ليكى مسافرين
..شافوكى عداكى فوق راسيه
وشمس ونار ودنيا ودين
..وطالوا شراعك العاليه
وركبوا الموجه ف الميادين
. ***************
..وراحوا وبدلو الأدوار
ورصدوا اولادك الحلوين
..ونشروا الغدر ليل ونهار
ونصبوا الزار مع الشياطين
..وجوا قلوبنا قادوا النار
وزهقوا الروح وغموا العين
..وصنعوا ف كل بيت أسوار
وقسموا الناس وصاروا اتنين
***************
…وندر عليا ياغاليه
أقيد لك شمع طول العام
..وأغزل فرحى توب أخضر
وأمسح دمعة الأيام
..وارد الساعى فى خرابك
كفيف القلب والأحلام
..واموت فى احضانك اتمنى
تعيشى العمر كله سلام .
بدون أزمه
